kheltana rang bai holicha song lyrics / खेळताना रंग बाई होळीचा होळीचा

खेळताना रंग बाई होळीचा होळीचा
फाटला ग कोना माझ्या चोळीचा

आम्ही तरण्या ग पोरी ,जमलो गावा बाहेरी
सख्याची आली स्वारी ,उडविली ती पिचकारी
घातला ग घेरा त्यानं टोळीचा, टोळीचा
फाटला ग कोना माझ्या चोळीचा

झणि पाऊल अवघडलं ,आणि काळीज धडधडलं
काय सांगु मी पुढलं ,क्षणातच सारं घडलं
जीव झाला घाबरा भोळीचा, भोळीचा
फाटला ग कोना माझ्या चोळीचा

मला काहि समजंना, मला काही उमजंना
त्याला कोणी सांगंना, कुणाला तो ऐकंना
डाव साधला ऐनवेळीचा, वेळीचा
फाटला ग कोना माझ्या चोळीचा

khel mandiyela valvanti / khel mandiyela lyrics / खेळ मांडीयेला वाळवंटी घाई

खेळ मांडीयेला वाळवंटी घाई ।
नाचती वैष्णव भाईं रे ।
क्रोध अभिमान गेला पावटणी ।
एक एका लागतील पायीं रे ॥१॥

गोपीचंदनउटी तुळसीच्या माळा
हार मिरविती गळां ।
टाळ मृदुंग घाई पुष्प वर्षाव ।
अनुपम्य सुखसोंहळा रे ॥२॥

वर्णअभिमान विसरली याती
एकएकां लोटांगणीं जाती ।
निर्मळ चित्तें जालीं नवनीतें ।
पाषाणा पाझर सुटती रे ॥३॥

होतो जयजयकार गर्जत अंबर
मातले हे वैष्णव वीर रे ।
तुका म्हणे सोपी केली पायवाट ।
उतरावया भवसागर रे ॥४॥

khel kunala daivacha kalala lyrics / खेळ कुणाला दैवाचा कळला

खेळ कुणाला दैवाचा कळला?
मी असो, तू असो, हा असो, कुणी असो
दैवलेख ना कधी कुणा टळला!

जवळ असुनही कसा दुरावा?
भाव मनीचा कुणा कळावा?
खेळ कुणाला दैवाचा कळला?
मी असो, तू असो, हा असो, कुणी असो


हार कुणाची? जीत कुणाची?
झुंज चालली दोन मनांची
खेळ कुणाला दैवाचा कळला?
मी असो, तू असो, हा असो, कुणी असो


सौभाग्याला मिळे सहारा
मला न माहित कुठे किनारा
खेळ कुणाला दैवाचा कळला?
मी असो, तू असो, हा असो, कुणी असो

aata uthavu sare ran / आता उठवू सारे रान / sane guruji

आता उठवू सारे रान, आता पेटवू सारे रान
शेतकर्‍यांच्या राज्यासाठी लावु पणाला प्राण

किसान मजूर उठतील, कंबर लढण्या कसतील
एकजुटीची मशाल घेउनि पेटवतिल सारे रान

कोण आम्हां अडवील, कोण आम्हां रडवील
अडवणूक त्या करणारांची उडवू दाणादाण

शेतकर्‍यांची फौज निघे, हातात त्यांच्या बेडि पडे
तिरंगि झेंडे घेती, गाती स्वातंत्र्याचे गान

पडून ना राहू आता, खाऊ ना आता लाथा
शेतकरी अन्‌ कामकरी मांडणार हो ठाण

--  साने गुरुजी

balsagar bharat hovo / बलसागर भारत होवो / sane guruji

बलसागर भारत होवो, विश्वात शोभुनी राहो

हे कंकण करि बांधियले, जनसेवे जीवन दिधले
राष्ट्रार्थ प्राण हे उरले, मी सिद्ध मरायाला हो

वैभवी देश चढवीन, सर्वस्व त्यास अर्पीन
तिमीर घोर संहारीन, या बंधु सहाय्याला हो

हातांत हात घेऊन, हृदयास हृदय जोडून
ऐक्याचा मंत्र जपून, या कार्य करायाला हो

करि दिव्य पताका घेऊ, प्रिय भारतगीते गाऊ
विश्वास पराक्रम दावू, ही माय निजपदा लाहो

या उठा करू हो शर्थ, संपादु दिव्य पुरुषार्थ
हे जीवन ना तरि व्यर्थ, भाग्यसूर्य तळपत राहो

ही माय थोर होईल, वैभवे दिव्य शोभेल
जगतास शांति देईल, तो सोन्याचा दिन येवो

--  साने गुरुजी

khara to ekchi dharma / खरा तो एकची धर्म / sane guruji

खरा तो एकची धर्म जगाला प्रेम अर्पावे ||

जगी जे हीन अतिपतित, जगी जे दीन पददलित
तया जाऊन उठवावे, जगाला प्रेम अर्पावे

जयांना ना कोणी जगती सदा ते अंतरी रडती
तया जाऊन सुखवावे, जगाला प्रेम अर्पावे

समस्तां धीर तो द्यावा, सुखाचा शब्द बोलावा
अनाथा साह्य ते द्यावे, जगाला प्रेम अर्पावे

सदा जे आर्त अतिविकल, जयांना गांजती सकल
तया जाऊन हसवावे, जगाला प्रेम अर्पावे

कुणा ना व्यर्थ शिणवावे, कुणा ना व्यर्थ हिणवावे
समस्तां बंधु मानावे, जगाला प्रेम अर्पावे

प्रभूची लेकरे सारी तयाला सर्वही प्यारी
कुणा ना तुच्छ लेखावे, जगाला प्रेम अर्पावे

असे जे आपणापाशी असे, जे वित्त वा विद्या
सदा ते देतची जावे, जगाला प्रेम अर्पावे

भरावा मोद विश्वात असावे सौख्य जगतात
सदा हे ध्येय पूजावे, जगाला प्रेम अर्पावे

असे हे सार धर्माचे असे हे सार सत्याचे
परार्थी प्राणही द्यावे, जगाला प्रेम अर्पावे

जयाला धर्म तो प्यारा, जयाला देव तो प्यारा
त्याने प्रेममय व्हावे, जगाला प्रेम अर्पावे

--  साने गुरुजी

zuk zuk agin gadi / Mamachya Gavala Jauya / Jhuk jhuk agingadi / झुक झुक झुक झुक अगीनगाडी

झुक झुक झुक झुक अगीनगाडी
धुरांच्या रेघा हवेत काढी
पळती झाडे पाहूया, मामाच्या गावाला जाऊया

मामाचा गाव मोठा, सोन्याचांदीच्या पेठा
शोभा पाहून येऊया, मामाच्या गावाला जाऊया

मामाची बायको घोरटी, म्हणेल कुठली पोरटी
भाच्यांची नावे सांगूया, मामाच्या गावाला जाऊया

मामाची बायको सुगरणं, रोज रोज पोळी शिकरणं
गुलाबजामुन खाऊया, मामाच्या गावाला जाऊया

मामा मोठा तालेवार, रेशीम घेईल हजार वार
कोट विजारी घेऊया, मामाच्या गावाला जाऊया

deva tujhe kiti sundar akash lyrics / देवा तुझे किती सुंदर आकाश

देवा तुझे किती सुंदर आकाश
सुंदर प्रकाश सूर्य देतो

सुंदर चांदण्या, चंद्र हा सुंदर
चांदणे सुंदर पडे त्याचे

सुंदर ही झाडे, सुंदर पाखरे
किती गोड बरे गाणे गाती

सुंदर वेलींची सुंदर ही फुले
तशी आम्ही मुले देवा तुझी

इतुके सुंदर जग तुझे जर
किती तू सुंदर असशील

-- गणेश हरि पाटील

mazya goachya bhumit / majya goachya bhumit / माझ्या गोव्याच्या भूमीत

माझ्या गोव्याच्या भूमीत गड्या नारळ मधाचे
कड्याकपारीमधोनी घट फुटती दुधाचे

माझ्या गोव्याच्या भूमीत उन्हाळ्यात खारा वारा
पावसात दारापुढे सोन्याचांदीच्या रे धारा

माझ्या गोव्याच्या भूमीत येते चांदणे माहेरा
ओलावल्या लोचनांनी भेटे आकाश सागरा

माझ्या गोव्याच्या भूमीत गड्या साळीचा रे भात
वाढी आईच्या मायेने सोनकेवड्याचा हात

माझ्या गोव्याच्या भूमीत लाल माती, निळे पाणी
खोल आरक्‍त घावांत शुद्ध वेदनांची गाणी

---- बा. भ. बोरकर

konache he ghar ha deh konacha / कोणाचें हें घर हा देह कोणाचा / Haripath Abhang ekontisava

कोणाचें हें घर हा देह कोणाचा । 
आत्माराम त्याचा तोचि जाणे ॥ १॥ 
मी तूं हा विचार विवेक शोधावा । 
गोविंदा माधवा याच देहीं ॥ २॥ 
देहीं ध्याता ध्यान त्रिपुटीवेगळा । 
सहस्र दळीं उगवला सूर्य जैसा ॥ ३॥ 
ज्ञानदेव म्हणे नयनाची ज्योती । 
या नावें रूपें तुम्ही जाणा ॥ ४॥

Abhang haripath asati aththavis / अभंग हरिपाठ असती अठ्ठावीस / Haripath Abhang aththavis

अभंग हरिपाठ असती अठ्ठावीस ।
 रचिले विश्वासें ज्ञानदेवें ॥ १॥
नित्य पाठ करी इंद्रायणीतीरीं । 
होय अधिकारी सर्वथा तो ॥ २॥
असावें एकाग्रीं स्वस्थ चित्त मन । 
उल्हासें करून स्मरण जीवी ॥ ३॥ 
अंतकाळीं तैसा संकटाचें वेळीं । 
हरि तया सांभाळी अंतर्बाह्य ॥ ४॥
संतसज्जनानीं घेतली प्रचीती । 
आळशी मंदमती केवीं तरें ॥ ५॥ 
श्रीगुरु निवृत्ति वचन प्रेमळ । 
तोषला तात्काळ ज्ञानदेव ॥ ६॥

sarva sukha godi sarv shastre nivadi / सर्व सुख गोडी सर्व शास्त्रे निवडी / Haripath Abhang satavisava

सर्व सुख गोडी सर्व शास्त्रे निवडी ।
रिकामा अर्धघडी राहू नको ॥ १ ॥
लटिका व्यवहार सर्व हा संसार ।
वाया येरझार हरिविण ॥ २ ॥
नाममंत्र जप कोटी जाईल पाप ।
रामकृष्णी संकल्प धरूनी राहे ॥ ३ ॥
निजवृत्ति काढी सर्व माया तोडी ।
इंद्रियांसवडी लपू नको ॥ ४ ॥
तीर्थ व्रती भाव धरी रे करुणा ।
शांति दया पाहुणा हरि करी ॥ ५ ॥
ज्ञानदेवा प्रमाण निवृत्तीदेवी ज्ञान ।
समाधि संजीवन हरिपाठ ॥ ६ ॥

Ek tatava nam drudha dhari mana / एक तत्त्व नाम दृढ धरी मना / Haripath Abhang savhisava

एक तत्त्व नाम दृढ धरी मना ।
हरिसी करुणा येईल तूझी ॥ १ ॥
ते नाम सोपे रे रामकृष्ण गोविंद ।
वाचेसी सद्‍गद्‍ जपे आधी ॥ २ ॥
नामापरते तत्त्व नाही रे अन्यथा ।
वाया आणिका पंथा जाशी झणी ॥ ३ ॥
ज्ञानदेवा मौन जपमाळ अंतरी ।
धरोनी श्रीहरि जपे सदा ॥ ४ ॥

Janiv neniv nahi / जाणीव नेणीव भगवंती नाही / Haripath Abhang panchavisa

जाणीव नेणीव भगवंती नाही ।
हरि उच्चारणी पाही मोक्ष सदा ॥ १ ॥
नारायण हरि उच्चार नामाचा ।
तेथे कळिकाळाचा रीघ नाही ॥ २ ॥
तेथील प्रमाण नेणवे वेदांसी ।
ते जीव जंतूसी केवि कळे ॥ ३ ॥
ज्ञानदेवा फळ नारायण पाठ ।
सर्वत्र वैकुंठ केले असे ॥ ४ ॥

Jap tap karm kriya nem dharm / जप तप कर्म क्रिया नेम धर्म / Haripath Abhang chovisava

जप तप कर्म क्रिया नेम धर्म ।
सर्वाघटी राम भाव शुद्ध ॥ १ ॥
न सोडी हा भावो टाकी रे संदेहो ।
रामकृष्णी टाहो नित्य फोडी ॥ २ ॥
जात वित्त गोत कुळ शीळ मात ।
भजे का त्वरित भावनायुक्‍त ॥ ३ ॥
ज्ञानदेवा ध्यानी रामकृष्ण मनी ।
वैकुंठ भुवनी घर केले ॥ ४ ॥

Sat pach tin dhashakancha mela / सात पाच तीन दशकांचा मेळा / Haripath Abhang tevisava

सात पाच तीन दशकांचा मेळा ।
एकतत्त्वी कळा दावी हरि ॥ १ ॥
तैसे नव्हे नाम सर्व मार्गा वरिष्ठ ।
येथे काही कष्ट न लागती ॥ २ ॥
अजपा जपणे उलट प्राणाचा ।
तेथेही मनाचा निर्धारु असे ॥ ३ ॥
ज्ञानदेवा जिणे नामेविण व्यर्थ ।
रामकृष्णी पंथ क्रमीयेला ॥ ४ ॥

nityanemanami te prani durlabh / नित्यनेमनामी ते प्राणी दुर्लभ / Haripath Abhang bavisava

नित्यनेमनामी ते प्राणी दुर्लभ ।
लक्ष्मीवल्लभ तया जवळी ॥ १ ॥
नारायण हरि नारायण हरि ।
भक्‍ति मुक्‍ति चारी घरी त्यांच्या ॥ २ ॥
हरिविण जन्म तो नर्कचि पै जाणा ।
यमाचा पाहुणा प्राणी होय ॥ ३ ॥
ज्ञानदेव पुसे निवृत्तीसी चाड ।
गगनाहूनि वाड नाम आहे ॥ ४ ॥

Kal vel nam uchcharita nahi / काळ वेळ नाम उच्चारिता नाही / Haripath Abhang ekvisana

काळ वेळ नाम उच्चारिता नाही ।
दोन्ही पक्ष पाही उद्धरती ॥ १ ॥
रामकृष्ण नाम सर्व दोषा हरण ।
जडजीवा तारण हरि एक ॥ २ ॥
नाम हरि सार जिव्हा या नामाची ।
उपमा त्या दैवाची कोण वानी ॥ ३ ॥
ज्ञानदेवा सांग झाला हरिपाठ ।
पुर्वजा वैकुंठ मार्ग सोपा ॥ ४ ॥

vedh shastra puran shrutiche vachan / वेद शास्त्र पुराण श्रुतीचे वचन / Haripath Abhang visava

वेद शास्त्र पुराण श्रुतीचे वचन ।
एक नारायण सार जप ॥ १ ॥
जप तप कर्म हरिविण धर्म ।
वाउगाचि श्रम व्यर्थ जाय ॥ २ ॥
हरिपाठी गेले ते निवांतचि ठेले ।
भ्रमर गुंतले सुमन कळिके ॥ ३ ॥
ज्ञानदेवी मंत्र हरिनामाचे शस्त्र ।
यमे कुळगोत्र वर्जियेले ॥ ४ ॥

Namsankirtan vaishnavanchi jodi / नामसंकीर्तन वैष्णवांची जोडी / Haripath Abhang ekonisava

नामसंकीर्तन वैष्णवांची जोडी ।
पापे अनंत कोटी गेली त्यांची ॥ १ ॥
अनंत जन्मांचे तप एक नाम ।
सर्व मार्ग सुगम हरिपाठ ॥ २ ॥
योग याग क्रिया धर्माधर्म माया ।
गेले ते विलया हरिपाठी ॥ ३ ॥
ज्ञानदेवी यज्ञ याग क्रिया धर्म ।
हरिविण नेम नाही दुजा ॥ ४ ॥

Harivansh puran harinam sankirtan / हरिवंश पुराण हरिनाम संकीर्तन / Haripath Abhang Atharava

हरिवंश पुराण हरिनाम संकीर्तन ।
हरिविण सौजन्य नेणे काही ॥ १ ॥
तया नरा लाधले वैकुंठ जोडले ।
सकळही घडले तीर्थाटन ॥ २ ॥
मनोमार्गे गेला तो तेथे मुकला ।
हरिपाठी स्थिरावला तोचि धन्य ॥ ३ ॥
ज्ञानदेवा गोडी हरिनामाची जोडी ।
रामकृष्णी आवडी सर्वकाळ ॥ ४ ॥

Haripath kirti mukhe jari gai /हरिपाठ कीर्ति मुखे जरी गाय / Haripath Abhang Satarava

हरिपाठ कीर्ति मुखे जरी गाय ।
पवित्रचि होय देह त्याचा ॥ १ ॥
तपाचे सामर्थ्य तपिन्नला अमूप ।
चिरंजीव कल्प वैकुंठी नांदे ॥ २ ॥
मातृ पितृ भ्राता सगोत्र अपार ।
चतुर्भुज नर होऊनी ठेले ॥ ३ ॥
ज्ञानगूढ गम्य ज्ञानदेवा लाधले ।
निवृत्तीने दिधले माझे हाती ॥ ४ ॥

harinam jape to nar durlabh / हरिनाम जपे तो नर दुर्लभ / Haripath Abhang Solava

हरिनाम जपे तो नर दुर्लभ ।
वाचेसी सुलभ रामकृष्ण ॥ १ ॥
रामकृष्ण नामी उन्मनी साधिली ।
तयासी लाधली सकळ सिद्धी ॥ २ ॥
सिद्धी बुद्धी धर्म हरिपाठी आले ।
प्रपंची निवाले साधुसंगे ॥ ३ ॥
ज्ञानदेवी नाम रामकृष्ण ठसा ।
येणे दशदिशा आत्माराम ॥ ४ ॥

Ek nam hari dwait nam duri / एक नाम हरि द्वैत नाम दुरी / Haripath Abhang Pandharava

एक नाम हरि द्वैत नाम दुरी ।
अद्वैत कुसरी विरळा जाणे ॥ १ ॥
समबुद्धी घेता समान श्रीहरि ।
शमदमा वरी हरि झाला ॥ २ ॥
सर्वाघटी राम देहादेही एक ।
सूर्यप्रकाशक सहस्त्ररश्मी ॥ ३ ॥
ज्ञानदेवा चित्ती हरिपाठ नेमा ।
मागिलिया जन्मा मुक्‍त झालो ॥ ४ ॥

Nitya satyamit haripath jyasi / नित्य सत्यामित हरिपाठ ज्यासी / Haripath Abhang Chaudava

नित्य सत्यामित हरिपाठ ज्यासी ।
कळिकाळी त्यासी न पाहे दृष्टी ॥ १ ॥
रामकृष्ण उच्चार अनंतराशी तप ।
पापाचे कळप पळती पुढे ॥ २ ॥
हरि हरि हरि मंत्र हा शिवाचा ।
म्हणती जे वाचा तया मोक्ष ॥ ३ ॥
ज्ञानदेवा पाठ नारायण नाम ।
पाविजे उत्तम निजस्थान ॥ ४ ॥

Samadhi harichi samsukhevin / समाधी हरिची समसुखेविण / Haripath Abhang Terava

समाधी हरिची समसुखेविण ।
न साधेल जाण द्वैतबुद्धी ॥ १ ॥
बुद्धीचे वैभव अन्य नाही दुजे ।
एका केशवराजे सकळ सिद्धी ॥ २ ॥
ऋद्धी सिद्धी निधी अवघीच उपाधी ।
जव त्या परमानंदी मन नाही ॥ ३ ॥
ज्ञानदेवी रम्य रमले समाधान ।
हरिचे चिंतन सर्वकाळ ॥ ४ ॥

Tirth vrat nem bhavevin sidhdhi / तीर्थ व्रत नेम भावेविण सिद्धी / Haripath Abhang barava

तीर्थ व्रत नेम भावेविण सिद्धी ।
वायाची उपाधी करिसी जना ॥ १ ॥
भावबळे आकळे एरव्ही नाकळे ।
करतळी आवळे जैसा हरि ॥ २ ॥
पारियाचा रवा घेता भूमीवरी ।
यत्‍न परोपरी साधन तैसे ॥ ३ ॥
ज्ञानदेव म्हणे निवृत्ती निर्गुण ।
दिधले संपूर्ण माझे हाती ॥ ४ ॥

Hariuchcharani aanat paprashi / हरिउच्चारणी अनंत पापराशी / Haripath Abhang Akarava

हरिउच्चारणी अनंत पापराशी ।
जातील लयासी क्षणमात्रे ॥ १ ॥
तृण अग्निमेळे समरस झाले ।
तैसे नामे केले जपता हरि ॥ २ ॥
हरिउच्चारण मंत्र हा अगाध ।
पळे भूतबाधा भेणे याचे ॥ ३ ॥
ज्ञानदेव म्हणे हरि माझा समर्थ ।
न करवे अर्थ उपनिषदा ॥ ४ ॥

Triveni sangami nana tirthe bhrami / त्रिवेणी संगमी नाना तीर्थे भ्रमी / Haripath Abhang Dhahava

त्रिवेणी संगमी नाना तीर्थे भ्रमी ।
चित्त नाही नामी तरी ते व्यर्थ ॥ १ ॥
नामासी विन्मुख तो नर पापीया ।
हरिविण धावया न पावे कोणी ॥ २ ॥
पुराणप्रसिद्ध बोलिले वाल्मिक ।
नामे तिन्ही लोक उद्धरती ॥ ३ ॥
ज्ञानदेव म्हणे नाम जपा हरिचे ।
परंपरा त्याचे कुळ शुद्ध ॥ ४ ॥

Vishnuvin jap vyarth tyache dnyan / विष्णुविण जप व्यर्थ त्याचे ज्ञान / Haripath Abhang Navava

विष्णुविण जप व्यर्थ त्याचे ज्ञान ।
रामकृष्णी मन नाही ज्याचे ॥ १ ॥
उपजोनि करंटा नेणे अद्वैत वाटा ।
रामकृष्णी पैठा कैसेनि होय ॥ २ ॥
द्वैताची झाडणी गुरुविण ज्ञान ।
तया कैसे कीर्तन घडे नामी ॥ ३ ॥
ज्ञानदेव म्हणे सगुण हे ध्यान ।
नामपाठे मौन प्रपंचाचे ॥ ४ ॥

Santache sangati manomarg gati / संतांचे संगती मनोमार्ग गती / Haripath Abhang Aathava

संतांचे संगती मनोमार्ग गती ।
आकळावा श्रीपती येणे पंथे ॥ १ ॥
रामकृष्ण वाचा भाव हा जीवाचा ।
आत्मा जो शिवाचा रामजप ॥ २ ॥
एकतत्त्व नाम साधिती साधन ।
द्वैताचे बंधन न बाधिजे ॥ ३ ॥
नामामृत गोडी वैष्णवा लाधली ।
योगिया साधली जीवनकळा ॥ ४ ॥
सत्वर उच्चार प्रल्हादी बिंबला ।
उद्धवा लाधला कृष्ण दाता ॥ ५ ॥
ज्ञानदेव म्हणे नाम हे सुलभ ।
सर्वत्र दुर्लभ विरळा जाणे ॥ ६ ॥

Parvatapramane patak karane / पर्वताप्रमाणे पातक करणे / Haripath Abhang Satava

पर्वताप्रमाणे  पातक करणे ।
वज्रलेप होणे  अभक्तांसी  ।।१।।
नाहीं ज्यांसी भक्ति ते  पतित अभक्त ।
हरीसी न भजत दैवहत ।।२।।
अनंत वाचाळ बरळती बरळ ।
त्यां कैंचा दयाळ पावे  हरी  ।।३।।
ज्ञानदेवा प्रमाण आत्मा हा निधान ।
सर्वांघटीं पूर्ण ऐक  नांदे   ।।४।।

Sadhubod zala to nuroniya thela / साधुबोध झाला तो नुरोनिया ठेला / Haripath Abhang Sahava

साधुबोध झाला तो  नुरोनिया ठेला ।
ठायींच मुराला अनुभव ।।१।।
कापुराची वाती उजळली ज्योती ।
ठायींच समाप्ती झाली जैसी  ।।२।।
मोक्षरेखे आला भाग्ये विनटला ।
साधूचा अंकिला हरिभक्त  ।।३।।
ज्ञानदेवा गोडी संगती सज्जनीं ।
हरि दिसे  जनीं वनी आत्मतत्वि ।।४।।

Yog Yag Vidhi yene nohe sidhi / योगयागविधी येणे नोहे सिद्धि / Haripath Abhang Pachava

योगयागविधी येणे नोहे सिद्धि ।
वायांचि उपाधि दंभधर्म  ।।१।।
भावेविण देव  न कळे निःसंदॆह ।
गुरुवीण अनुभव कैसा कळे ।।२।।
तपेविण  दैवत दिधल्यावीण प्राप्त ।
गुजेविण  हित कोण सांगे ।।३।।
ज्ञानदेव सांगे  दृष्टांताची मात ।
साधूंचे संगती तरुणोपाय ।।४।। 

Bhavevin Bhakti Bhaktivin Mukti / भावेविण भक्ति भक्तिवीण मुक्ति / Haripath Abhang Chautha

भावेविण भक्ति भक्तिवीण मुक्ति |
बळेविण शक्ति बोलू  नये  ||१||
कैसेनि  दैवत प्रसन्न त्वरित |
उगा राहे निवांत शिणसी वायां ||२||
सायास करिसी प्रपंच दिननिशीं |
हरिसी न भजसी कवण्या  गुणे  ||३||
ज्ञानदेव  म्हणे हरिजप करणे  |
तुटेल धरणे प्रपंचाचे  ||४||

Trigun Asar Nirgun Ye Sar / त्रिगुण असार निर्गुण हे सार / Haripath Abhang tisara

त्रिगुण असार निर्गुण हे सार |
सारासार विचार हरिपाठ ||१||
सगुण निर्गुण गुणांचे अगुण |
हरिविणे मन व्यर्थ जाय ||२||
अव्यक्त निराकार नाही ज्या आकार |
जेथोनी  चराचर हरीसी भजे ||३||
ज्ञानदेवा ध्यानीं रामकृष्ण मनीं |
अनंत जन्मोनी पुण्य होय ||४||

Chahu Vedi Jaan Sahi Shastra karan / चहूं वेदीं जाण साहीं शास्त्री कारण / Haripath Abhang dusara

चहूं वेदीं जाण साहीं शास्त्री कारण |
अठराहीं पुराने हरीसी गाती ||१||
मंथुनी नवनीता  तैसें घे अनंता |
वायां व्यर्थ कथा सांडी मार्ग ||२||
एक  हरि आत्मा जीवशिवसमा |
वायां दुर्गमी न घालीं मन ||३||
 ज्ञानदेवा पाठ हरि हा वैकुंठ |
भरला घनदाट हरि दिसॆ ||४||

Devachiye Dwari Ubha kshanabhari / देवाचिये द्वारीं उभा क्षणभरी / Haripath Abhang pahila

देवाचिये द्वारीं उभा क्षणभरी |
तेणे मुक्ति चारी साधियेल्या   ||१||
हरि मुखे म्हणा हरि मुखे म्हणा |
पुण्याची गणना कोण करी ||२||
असोनि संसारीं जिव्हे वेगु करी |
वेदशास्त्र उभारी बाह्या सदा ||३||
ज्ञानदेव म्हणे व्यासाचिया खुणा |
द्वारकेचा राणा पांडवां घरीं  ||४||

Mauli Mauli Lyrics / माऊली माऊली

विठ्ठल विठ्ठल विठ्ठल विठ्ठल
विठ्ठल विठ्ठल विठ्ठल विठ्ठल

तुला साद आली तुझ्या लेकरांची, अलंकापुरी आज भारावली
वसा वारीचा घेतला पावलांनी, आम्हा वाळवंटी तुझी सावली
गळाभेट घेण्या भिमेची निघाली, तुझ्या नामघोषात इंद्रायणी

विठ्ठल विठ्ठल विठ्ठल विठ्ठल
विठ्ठल विठ्ठल विठ्ठल विठ्ठल

भिडे आसमंती ध्वजा वैष्णवांची, उभी पंढरी आज नादावली
तुझे नाव ओठी, तुझे रूप ध्यानी जिवाला, तुझी आस गा लागली
जरी बाप साऱ्या जगाचा, परि तू आम्हा लेकरांची विठू माऊली

माऊली माऊली माऊली माऊली
माऊली माऊली रूप तुझे

विठ्ठल विठ्ठल विठ्ठल विठ्ठल
विठ्ठल विठ्ठल विठ्ठल विठ्ठल

चालतो रे तुझी वाट रात्रंदिनी घेतला पावलांनी वसा
टाळ घोषातुनी साद येते तुझी दावते वैष्णवांना दिशा

दाटला मेघ तू सावळा, मस्तकी चंदनाचा टिळा
लेऊनि तुळशी माळा गळा ह्या, पाहसी वाट त्या राऊळा
आज हारपलं देहभान, जीव झाला खुळा बावळा
पाहण्या गा तुझ्या लोचनांत भाबड्या लेकरांचा लळा

भिडे आसमंती ध्वजा वैष्णवांची, उभी पंढरी आज नादावली
तुझे नाव ओठी, तुझे रूप ध्यानी जिवाला तुझी आस गा लागली
जरी बाप साऱ्या जगाचा परि तू आम्हा लेकरांची विठू माऊली

माऊली माऊली माऊली माऊली
माऊली माऊली रूप तुझे

विठ्ठल विठ्ठल विठ्ठल विठ्ठल
विठ्ठल विठ्ठल विठ्ठल विठ्ठल

चालला गजर जाहलो अधिर लागली नजर कळसाला
पंचप्राण हे तल्लीन आता पाहीन पांडुरंगाला
देखिला कळस डोईला तुळस धावितो चंद्रभागेसी
समिप ही दिसे पंढरी याच मंदिरी माऊली माझी
मुख दर्शन व्हावे आता तू सकल जगाचा त्राता
घे कुशीत गा माऊली तुझ्या पायरी ठेवतो माथा

माऊली माऊली माऊली माऊली
माऊली माऊली माऊली माऊली

पुंडलिक वरदे हारि विठ्ठल श्री ज्ञानदेव तुकाराम
पंढरीनाथ महाराज की जय

Gajanana Shri Ganaraya Lyrics / गजानना श्री गणराया , आधी वंदू तुज मोरया

गजानना, श्री गणराया ,आधी वंदू तुज मोरया
मंगलमुर्ती, श्री गणराया ,आधी वंदू तुज मोरया

सिंदुरचर्चित धवळे अंग ,चंदन उटी खुलवी रंग
बघता मानस होते दंग ,जीव जडला चरणी तुझिया
आधी वंदू तुज मोरया

गौरीतनया भालचंद्रा ,देवा कृपेच्या तू समुद्रा
वरदविनायक करुणागारा  ,अवघी विघ्ने नेसी विलया
आधी वंदू तुज मोरया 

omkar pradhan roop ganeshache lyrics / ओंकार प्रधान रूप गणेशाचे

ओंकार प्रधान रूप गणेशाचे
हे तिन्ही देवांचे जन्मस्थान

आकार तो ब्रम्हा, उकार तो विष्णू
मकार महेश जाणियेला

ऐसे तिन्ही देव जेथोनि उत्पन्न
तो हा गजानन मायबाप

तुका म्हणे ऐसी आहे वेदवाणी
पहावी पुराणी व्यासाचिया 

gananayakaya ganadaivataya lyrics in marathi / गणनायकाय गणदेवताय

गणनायकाय गणदेवताय गणाध्यक्षाय धीमहि ।
गुणशरीराय गुणमण्डिताय गुणेशानाय धीमहि ।
गुणातीताय गुणाधीशाय गुणप्रविष्टाय धीमहि ।
एकदंताय वक्रतुण्डाय गौरीतनयाय धीमहि ।
गजेशानाय भालचन्द्राय श्रीगणेशाय धीमहि ॥

गानचतुराय गानप्राणाय गानान्तरात्मने ।
गानोत्सुकाय गानमत्ताय गानोत्सुकमनसे ।
गुरुपूजिताय गुरुदेवताय गुरुकुलस्थायिने ।
गुरुविक्रमाय गुह्यप्रवराय गुरवे गुणगुरवे ।
गुरुदैत्यगलच्छेत्रे गुरुधर्मसदाराध्याय ।
गुरुपुत्रपरित्रात्रे गुरुपाखण्डखण्डकाय ।
गीतसाराय गीततत्त्वाय गीतगोत्राय धीमहि ।
गूढगुल्फाय गन्धमत्ताय गोजयप्रदाय धीमहि ।
गुणातीताय गुणाधीशाय गुणप्रविष्टाय धीमहि ।
एकदंताय वक्रतुण्डाय गौरीतनयाय धीमहि ।
गजेशानाय भालचन्द्राय श्रीगणेशाय धीमहि ॥

ग्रन्थगीताय ग्रन्थगेयाय ग्रन्थान्तरात्मने ।
गीतलीनाय गीताश्रयाय गीतवाद्यपटवे ।
गेयचरिताय गायकवराय गन्धर्वप्रियकृते ।
गायकाधीनविग्रहाय गङ्गाजलप्रणयवते ।
गौरीस्तनन्धयाय गौरीहृदयनन्दनाय ।
गौरभानुसुताय गौरीगणेश्वराय ।
गौरीप्रणयाय गौरीप्रवणाय गौरभावाय धीमहि ।
गोसहस्राय गोवर्धनाय गोपगोपाय धीमहि ।
गुणातीताय गुणाधीशाय गुणप्रविष्टाय धीमहि ।
एकदंताय वक्रतुण्डाय गौरीतनयाय धीमहि ।
गजेशानाय भालचन्द्राय श्रीगणेशाय धीमहि ॥

anu renu ya thokada / anurenuya thokada / अणुरेणियां थोकडा

अणुरेणियां थोकडा
तुका आकाशाएवढा

गिळुन सांडिलें कलेवर
भव भ्रमाचा आकार

सांडिली त्रिपुटी
दीप उजळला घटीं

तुका म्हणे आतां
उरलो उपकारापुरता 

aga karunakara lyrics / अगा करुणाकरा करितसे धांवा

अगा करुणाकरा करितसे धांवा
या मज सोडवा लवकरी

ऐकोनियां माझी करुणेची वचने
व्हावें नारायणें उतावीळ

मागें पुढें अवघा दिसे रिता ठाव
ठेवूनि पायीं भाव वाट पाहें

उशीर तो आतां न पाहिजे केला
अहो जी विठ्ठला मायबापा

उरलें तें एक हेंचि मज आतां
अवघें विचारितां शून्य झालें

तुका म्हणे आतां करीं कृपा दान
पाउलें समान दावीं डोळा

omkar pradhan rup ganeshache / omkar pradhan roop ganeshache / ओंकार प्रधान रूप गणेशाचे

ओंकार प्रधान रूप गणेशाचे
हे तिन्ही देवांचे जन्मस्थान

आकार तो ब्रम्हा, उकार तो विष्णू
मकार महेश जाणियेला

ऐसे तिन्ही देव जेथोनि उत्पन्न
तो हा गजानन मायबाप

तुका म्हणे ऐसी आहे वेदवाणी
पहावी पुराणी व्यासाचिया 

Jethe jato tethe tu maza sangati / जेथे जातो तेथे तू माझा सांगाती / tuch maza sangati lyrics / तू माझा सांगाती

जेथे जातो तेथे तू माझा सांगाती
चालविसी हाती धरुनिया

चालो वाटे आम्ही तुझाची आधार
चालविसी भार सवे माझा

बोलो जाता बरळ करीसी ते नीट
नेली लाज, धीट केलो देवा

तुका म्हणे आता खेळतो कौतूके
जाले तुझे सुख अंतर्बाही

Mayechya halavya / man udhan varyache / मायेच्या हळव्या स्पर्शाने खुलते / मन उधाण वार्याचे, गूज पावसाचे

मायेच्या हळव्या स्पर्शाने खुलते
नात्यांच्या बंधात धुंद मोहरते
मन उधाण वार्याचे, गूज पावसाचे
का होते बेभान, कसे गहिवरते

आकाशी स्वप्नांच्या हरपून भान शिरते
हुरहुरत्या सांजेला कधी एकटेच झुरते
सावरते, बावरते, घडते, अडखळते का पडते?
कधी आशेच्या हिंदोळ्यावर मन हे वेडे झुलते
मन तरंग होऊन पाण्यावरती फिरते
अन् क्षणात फिरुनी आभाळाला भिडते

रुणझुणते, गुणगुणते, कधी गुंतते, हरवते
कधी गहिर्या डोळ्यांच्या डोहात पार बुडते
तळमळते सारखे बापडे नकळत का भरकटते?
कधी मोहाच्या चार क्षणांना मन हे वेडे भुलते
जाणते जरी हे पुन्हा पुन्हा का चुकते?
भाबडे तरी भासांच्या मागून पळते

bikat vaat vahivat nasavi lyrics / बिकट वाट वहिवाट नसावी

बिकट वाट वहिवाट नसावी, धोपट मार्गा सोडु नको
संसारामधि ऐस आपला, उगाच भटकत फिरू नको

चल सालसपण धरुनि निखालस, खोट्या बोला बोलु नको
अंगि नम्रता सदा असावी, राग कुणावर धरु नको

नास्तिकपणात शिरुन जनांचा बोल आपणा घेउ नको
भलीभलाई कर काही पण अधर्म मार्गी शिरू नको


मायबापावर रुसू नको
तू एकला बसू नको
व्यवहारामधे फसू नको
कधी रिकामा असू नको
परी उलाढली भलत्यासलत्या पोटासाठी करू नको
संसारामधि ऐस आपला, उगाच भटकत फिरू नको

वर्म काढुनी शरमायाला उणे कुणाला बोलु नको
बुडवाया दुसऱ्याचा ठेवा, करुनी हेवा; झटु नको
मी मोठा शहाणा जगामधि गर्वभार हा वाहु नको
एकाहुनि एक चढि जगामधि थोरपणाला मिरवु नको

हिमायतीच्या बळे गरिबगुरिबाला तू गुरकावु नको
दो दिवसांची जाईल सत्ता, अपयश माथा घेउ नको
बहुत कर्जबाजारी हो‍उनी ओज आपुला दवडू नको
स्नेह्यासाठी पदरमोड कर परंतु जामिन राहु नको

विडा पैजंचा उचलु नको
उणि तराजू तोलु नको
गहाण कुणाचे बुडवु नको
असल्यावर भिक मागू नको
नसल्यावर सांगणं कशाला, गाव तुझा; भिड धरु नको
कष्टाची बरि भाजिभाकरी तूपसाखरेची चोरी नको

दिली स्थिती देवानं तीतच मानी सुख, कधि विटु नको
आल्या अतिथ्या मुठभर द्याया मागं पुढती पाहु नको
उगिच निंदा स्तुती कुणाची स्वहितासाठी करू नको
बरी खुशामत शाहण्याचि ही, मूर्खाची ती मैत्रि नको

आता तुज ही गोष्ट सांगतो, सत्कर्मा ओसरू नको
असल्या गाठी धनसंचय कर, सत्कार्यी व्यय हटु नको

सुविचारा कातरु नको
सत्संगत अंतरू नको
द्वैताला अनुसरू नको
हरिभजनविण मरू नको
गावयास अनंत फंदीचे फटके मागे करू नको

सत्किर्तीनं मतीचा डंका वाजे मग शंकाच नको

--अनंतफंदी 

deva tuzya gabharyala lyrics / देवा तुझ्या गाभाऱ्याला उंबराच नाही / duniyadari lyrics

देवा तुझ्या गाभाऱ्याला उंबराच नाही
सांग कुठं ठेऊ माथा कळंनाच काही
देवा कुठं शोधू तुला मला सांग ना
प्रेम केलं एवढाच माझा रे गुन्हा

देवा काळजाची हाक ऐक एकदा तरी
माझ्या ह्या जीवाची आग लागू दे तुझ्या उरी
आरपार काळजात का दिलास घाव तू
दगडाच्या काळजाचा दगडाचा देव तू

का कधी कुठे स्वप्न विरले, प्रेम हरले

स्वप्न माझे आज नव्याने खुलले
अर्थ सारे स्पर्शाने उलगडले

आरपार काळजात का दिलास घाव तू
दगडाच्या काळजाचा दगडाचा देव तू
देवा काळजाची हाक ऐक एकदा तरी
माझ्या ह्या जीवाची आग लागू दे तुझ्या उरी

का रे तडफड ही ह्या काळजा मधी
घुसमट तुझी रे होते का कधी
माणसाचा तू जल्म घे, डाव जो मांडला मोडू दे

का हात सुटले, श्वास मिटले, ठेच लागे
उत्तरांना प्रश्न कसे हे पडले
अंतरांचे अंतर कसे ना कळले

देवा काळजाची हाक ऐक एकदा तरी
माझ्या ह्या जीवाची आग लागू दे तुझ्या उरी
आरपार काळजात का दिलास घाव तू
दगडाच्या काळजाचा दगडाचा देव तू

चित्रपट - दुनियादारी 

kashi nashibane thatta aaj mandali lyrics / Pinara / कशी नशीबाने थट्टा आज मांडली

दहा दिशांनी , दहा मुखांनी. आज फोडिला टाहो,
आसवांत या भिजली गाथा, श्रोते एका हो

माझ्या काळजाची तार आज छेडली
कशी नशीबाने थट्टा आज मांडली

गंगेवानी निर्मळ होता, असा एक गाव
सुखी समाधानी होता, रंक आणि राव
त्याची गुण गौरवान  कीर्ती वाढली
कशी नशीबाने थट्टा आज मांडली

अशा गावी होता एक भोळा भाग्यवंत
पुण्यवान म्हणती त्याला, कुणी म्हणे संत
त्याला एका मेनकेची दृष्टी लागली
कशी नशीबाने थट्टा आज मांडली

सत्वशील चारित्र्याची घालमेल झाली
गावासाठी नर्तकीला, नदीपार केली
नार सूड भावनेना, उभी पेटली
कशी नशीबाने थट्टा आज मांडली

पिसळलेल्या नागीनिनीने थयथयाट केला
नाचगाण्यासाठी सारा गाव येडा झाला
त्यांनी लाज भीड नीती सारी सोडली
कशी नशीबाने थट्टा आज मांडली

जाब विचारया गेला, तिने केला डाव
भोवरयात शृंगाराच्या सापडली नाव
त्याच्या पतंगाची दोरी तिने तोडली
कशी नशीबाने थट्टा आज मांडली

खुल्या जीवा कळला नाही, खोटा तिचा खेळ
तपोभंग झाला त्याचा पुरा जाई तोल
त्याला कुत्रा मांजराची दशा आणली
कशी नशीबाने थट्टा आज मांडली

जन्मभरी फसगत झाली तिचा हा तमाशा
जुळुनीया गेली आता जगायची आशा
आज हुंदक्यान भिरवी मी गायली
कशी नशीबाने थट्टा आज मांडली

याची देही याची डोळा पाहिले मरण
मीच माझ्या हाती देवा रचिले सरण
माझ्या कर्मा सोहळ्याची यात्रा चालली
कशी नशीबाने थट्टा आज मांडली

haravali pakhare marathi lyrics /का कळेना अशी हरवली पाखरे / ka kalena ashi haravali pakhare

कुठे कधी हरवले कसे कोण जाणे
चोचीतले त्यांच्या गाणे
नभाच्या मनाला पडे घोर आता
उखाणे कसे सोडवावे
कसे वागणे हे कळ्यांचे फुलांशी कळेना
कधी वाढले हे दुरावे  कळेना, झुरे बाग आता
सुनी सुनी सारी, का कळेना अशी हरवली पाखरे

ती अवखळ वेळी किलबिल सारी
उगीच मनाला हुरहूर लावी
सांजेला होई जीव हळवा रे
जे झाले गेले विसरुनी सारे
हा वेडा वारा सांगे अरे अंगणी पुन्हा
का कळेना अशी हरवली पाखरे

गीतकार : गुरु ठाकूर
चित्रपट : बालक पालक

Kuṭhē kadhī haravalē kasē kōṇa jāṇē
Cōcītalē tyān̄cyā gāṇē
Nabhācyā manālā paḍē ghōra ātā
Ukhāṇē kasē sōḍavāvē
Kasē vāgaṇē hē kaḷyān̄cē phulānśī kaḷēnā
Kadhī vāḍhalē hē durāvē kaḷēnā, jhurē bāga ātā
Sunī sunī sārī, kā kaḷēnā aśī haravalī pākharē

Tī avakhaḷa vēḷī kilabila sārī
Ugīca manālā hurahūra lāvī
Sān̄jēlā hō'ī jīva haḷavā rē
Jē jhālē gēlē visarunī sārē
Hā vēḍā vārā sāṅgē arē aṅgaṇī punhā
Kā kaḷēnā aśī haravalī pākharē

Gītakāra: Guru ṭhākūra
Citrapaṭa: Bālaka pālaka

deva tula shodhu kutha lyrics / देवा, तुला शोधू कुठं

कुठल्या देशी, कुठल्या वेशी, कुठल्या रूपात
देवा, तुला शोधू कुठं

तेहतीस कोटी रूपे तुझी, तेहतीस कोटी नामे तुझी
परि तू अज्ञात, देवा , तुला शोधू कुठं

कोठे असशी तू आकाशी, कुठल्या गावी कोठे वसशी
कुण्या देवळात , देवा , तुला शोधू कुठं

भले-बुरे जे दिसते भवती, भले-बुरे जे घडते भवती
तिथे तुझा हात, देवा , तुला शोधू कुठं

स्वच्छंदी तू स्वत:चा सखा, येथे रमसी सांग उगा का
या बाजारात, देवा , तुला शोधू कुठं

darshan dere bhagwanta lyrics / darshan de re de re bhagwanta lyrics / darshan dere dere bhagwanta lyrics / दर्शन देरे, देरे भगवंता / दर्शन दे रे, दे रे भगवंता

दर्शन देरे, देरे भगवंता
किती अंत आता पहाशी अनंता

माय पित्याची सेवा पुंडलिकाची
भक्ती पाहिली तू  गोऱ्या कुंभाराची
तैसे येणे व्हावे तुझे कृपावंता

ऐकताच वाणी संत चोखोबाची
साक्षात प्रगटे मूर्ती विठ्ठलाची
ऐसे दान देशी तुझ्या प्रिय संता

तूच जन्मदेता, तूच विश्वकर्ता
मन शांत होई, तुझे गुण गाता
हिच एक आशा, पुरवी तू आता

दर्शन देरे, देरे भगवंता

Darśana dērē, dērē bhagavantā
Kitī anta ātā pahāśī anantā

Māya pityācī sēvā puṇḍalikācī
Bhaktī pāhilī tū gōṟyā kumbhārācī
Taisē yēṇē vhāvē tujhē kr̥pāvantā

Aikatāca vāṇī santa cōkhōbācī
Sākṣāta pragaṭē mūrtī viṭhṭhalācī
Aisē dāna dēśī tujhyā priya santā

Tūca janmadētā, tūca viśvakartā
Mana śānta hō'ī, tujhē guṇa gātā
Hica ēka āśā, puravī tū ātā

Darśana dērē, dērē bhagavantā

vitthal aawadi prembhav lyrics / vitthal namacha re taho lyrics / विठ्ठल आवाडी प्रेम भाव / विठ्ठल नामाचा रे टाहो

विठ्ठल आवाडी प्रेम भाव
विठ्ठल नामाचा रे टाहो

तुटला हा संदेहों
भवमुळ व्याधिचा
विठ्ठल नामाचा रे टाहो प्रेम भाव
विठ्ठल आवाडी प्रेम भाव

महान नरहरी उच्चार
कृष्ण हरी श्रीधर
विठ्ठल नामाचा रे टाहो प्रेम भाव
विठ्ठल आवाडी प्रेम भाव

हेची नाम आम्हा सर
संसार करावया प्रेम भाव
विठ्ठल नामाचा रे टाहो प्रेम भाव
विठ्ठल आवाडी प्रेम भाव

नेऊन नमविन काही
विठ्ठल कृष्ण लवलाही
विठ्ठल नामाचा रे टाहो प्रेम भाव
विठ्ठल आवाडी प्रेम भाव

नामा म्हणे तरलो पाही
विठ्ठल विठ्ठल म्हणाताची विठ्ठल
विठ्ठल नामाचा रे टाहो प्रेम भाव
विठ्ठल आवाडी प्रेम भाव 

Tik tik vajate dokyat lyrics / टिक टिक वाजते डोक्यात

टिक टिक वाजते डोक्यात
धड धड वाढते ठोक्यात
कभी जमीन कधी नभी, संपते अंतर झोक्यात

नाही जरी सरी तरी भिजते अंग पाण्याने
सोचो तुम्हें पलभर भी बरसे सावन जोमाने
शिंपल्यांचे शो-पीस नको
जीव अडकला मोत्यात
टिक टिक वाजते डोक्यात ...

सूर ही तू, ताल ही तू
रुठे जो चांद वो नूर है तू
आसु ही तू हसू ही तू
ओढ मनाची नि हूरहुर तू
रोज नवे भास तुझे, वाढते अंतर श्वासात
टिक टिक वाजते डोक्यात...

Ṭika ṭika vājatē ḍōkyāta
Dhaḍa dhaḍa vāḍhatē ṭhōkyāta
Kabhī jamīna kadhī nabhī, sampatē antara jhōkyāta

Nāhī jarī sarī tarī bhijatē aṅga pāṇyānē
Sōcō tumhēṁ palabhara bhī barasē sāvana jōmānē
Śimpalyān̄cē śō-pīsa nakō
Jīva aḍakalā mōtyāta
Ṭika ṭika vājatē ḍōkyāta...

Sūra hī tū, tāla hī tū
Ruṭhē jō cānda vō nūra hai tū
Āsu hī tū hasū hī tū
Ōḍha manācī ni hūrahura tū
Rōja navē bhāsa tujhē, vāḍhatē antara śvāsāta
Ṭika ṭika vājatē ḍōkyāta...

vitthala konta ha zenda gheu हाती / विठ्ठला कोणता झेंडा घेऊ हाती / Konata zenda gevu hathi lyrics

जगण्याच्या वारीत मिळेना वाट हो…साचले मोहाचे धुके घनदाट हो …
आपली माणसं आपलीच नाती तरी कळपाची मेंढरास भीती
विठ्ठला  कोणता झेंडा घेऊ हाती

आजवर ज्यांची वाहिली पालखी भलताच त्याचा देव होता… भलताच त्याचा देव होता…
पुरे झाली आता उगा माथेफोडी दगडात माझा जीव होता… दगडात माझा जीव होता…
उजळावा दिवा म्हणूनिया किती मुक्या बिचार्‍या जळती वाती
वैरी कोण आहे इथे कोण साथी
विठ्ठला  कोणता झेंडा घेऊ हाती

बूजगावण्यागत व्यर्थ हे जगणं उभ्या उभ्या संपून जाई…
उभ्या उभ्या संपून जाई…उभ्या उभ्या संपून जाई
अळ रीत रीत माझं बघुनी उमगलं कुंपण इथ शेत खायी…
कुंपण इथ शेत खायी…
भक्ताच्या कपाळी अन् सारखीच माती तरी झेंडे एगळे, वेगळ्या जाती
सत्तेचीच भक्ती सत्तेचीच प्रीती
विठ्ठला कोणता झेंडा घेऊ हाती


Jagaṇyācyā vārīta miḷēnā vāṭa hō…sācalē mōhācē dhukē ghanadāṭa hō…
Āpalī māṇasaṁ āpalīca nātī tarī kaḷapācī mēṇḍharāsa bhītī
Viṭhṭhalā kōṇatā jhēṇḍā ghē'ū hātī

Ājavara jyān̄cī vāhilī pālakhī bhalatāca tyācā dēva hōtā… bhalatāca tyācā dēva hōtā…
Purē jhālī ātā ugā māthēphōḍī dagaḍāta mājhā jīva hōtā… dagaḍāta mājhā jīva hōtā…
Ujaḷāvā divā mhaṇūniyā kitī mukyā bicār‍yā jaḷatī vātī
Vairī kōṇa āhē ithē kōṇa sāthī
Viṭhṭhalā kōṇatā jhēṇḍā ghē'ū hātī

Būjagāvaṇyāgata vyartha hē jagaṇaṁ ubhyā ubhyā sampūna jā'ī…
Ubhyā ubhyā sampūna jā'ī…ubhyā ubhyā sampūna jā'ī
Aḷa rīta rīta mājhaṁ baghunī umagalaṁ kumpaṇa itha śēta khāyī…
Kumpaṇa itha śēta khāyī…
Bhaktācyā kapāḷī an sārakhīca mātī tarī jhēṇḍē ēgaḷē, vēgaḷyā jātī
Sattēcīca bhaktī sattēcīca prītī
Viṭhṭhalā kōṇatā jhēṇḍā ghē'ū hātī

pratham tula vandito lyrics / प्रथम तुला वंदितो कृपाळा

प्रथम तुला वंदितो कृपाळा, गजानना, गणराया

विघ्नविनाशक, गुणिजन पालक, दुरित तिमिर हारका
सुखकारक तू, दुःख विदारक, तूच तुझ्यासारखा
वक्रतुंड ब्रम्हांडनायका, विनायका प्रभुराया

सिद्धिविनायक तूच अनंता, शिवात्मजा मंगला
सिंदूर वदना, विद्याधिशा, गणाधिपा वत्सला
तुच ईश्वरा साह्य करावे, हा भवसिंधु तराया

गजवदना तव रूप मनोहर, शुक्लांबर शिवसुता
चिन्तामणी तू अष्टविनायक, सकलांची देवता
रिद्धि सिद्धीच्या वरा, दयाळा  देई कृपेची छाया


Prathama tulā vanditō kr̥pāḷā, gajānanā, gaṇarāyā

Vighnavināśaka, guṇijana pālaka, durita timira hārakā
Sukhakāraka tū, duḥkha vidāraka, tūca tujhyāsārakhā
Vakratuṇḍa bramhāṇḍanāyakā, vināyakā prabhurāyā

Sid'dhivināyaka tūca anantā, śivātmajā maṅgalā
Sindūra vadanā, vidyādhiśā, gaṇādhipā vatsalā
Tuca īśvarā sāhya karāvē, hā bhavasindhu tarāyā

Gajavadanā tava rūpa manōhara, śuklāmbara śivasutā
Cintāmaṇī tū aṣṭavināyaka, sakalān̄cī dēvatā
Rid'dhi sid'dhīcyā varā, dayāḷā dē'ī kr̥pēcī chāyā

dev chorla maza lyrics / देव चोराला माझा

देव चोराला माझा
देव चोराला माझा
भला थोरला माझा
भला थोरला माझा
देव चोराला माझा

झगमग पाहुनिया
पाठ फिरवूनी गेला

रोषणाई मधे देव
माझा हरवून गेला
नाही उरलेली भक्ती
भावनाही हुरला
देव चोराला माझा


हरवून  गेले संत
काल उरलेले थोर
पावलांचे नसे मोल
आज महागले जोडे
टेकू चरणी माता
असा कोण उरला
देव चोराला माझा

rup pahata lochani lyrics / Roop pahata lochani lyrics / रूप पाहतां लोचनीं

रूप पाहतां लोचनीं ।  
सुख जालें वो साजणी ॥

तो हा विठ्ठल बरवा ।  
तो हा माधव बरवा ॥

बहुतां सुकृतांची जोडी ।  
म्हणुनि विठ्ठलीं आवडी ॥

सर्व सुखाचें आगर ।  
बाप रखुमादेवीवरू ॥


Rūpa pāhatāṁ lōcanīṁ.
Sukha jālēṁ vō sājaṇī.

Tō hā viṭhṭhala baravā.
Tō hā mādhava baravā.

Bahutāṁ sukr̥tān̄cī jōḍī.
Mhaṇuni viṭhṭhalīṁ āvaḍī.

Sarva sukhācēṁ āgara.
Bāpa rakhumādēvīvarū.

runu zunu re bhramara lyrics / रुणुझुणु रुणुझुणु रे भ्रमरा

रुणुझुणु रुणुझुणु रे भ्रमरा ।
सांडीं तूं अवगुणु रे भ्रमरा ॥

चरणकमळदळू रे भ्रमरा ।
भोगीं तूं निश्चळु रे भ्रमरा ॥

सुमनसुगंधु रे भ्रमरा ।
परिमळु विद्गदु रे भ्रमरा ॥

सौभाग्यसुंदरू रे भ्रमरा ।
बाप रखुमादेविवरू रे भ्रमरा ॥


Ruṇujhuṇu ruṇujhuṇu rē bhramarā.
Sāṇḍīṁ tūṁ avaguṇu rē bhramarā.

Caraṇakamaḷadaḷū rē bhramarā.
Bhōgīṁ tūṁ niścaḷu rē bhramarā.

Sumanasugandhu rē bhramarā.
Parimaḷu vidgadu rē bhramarā.

Saubhāgyasundarū rē bhramarā.
Bāpa rakhumādēvivarū rē bhramarā.